महिला किसान सशक्तीकरण

 

महिला किसान सशक्तीकरण

एक

केंद्रीय ग्राम विकास मंत्रालयामार्फत महिला किसान सशक्तीकरण परियोजना (एमकेएसपी) राबवली जाते. महिला शेतकऱ्यांच्या सक्षमीकरणासाठी अधिकाधिक गुंतवणूक करुन त्यांचा शेतीतील सहभाग आणि उत्पादकता वाढवण्याचा प्रयत्न या योजनेव्दारे केला जातो. दिनदयाल उपाध्याय योजनेंतर्गत राष्ट्रीय जीवनोन्नती मिशन राबवण्यात येते. महिला किसान सशक्तीकरण परियोजना हा या मिशनचा एक भाग आहे. या अंतर्गत देशभरातील ४० लाखाच्या आसपास महिला शेतकऱ्यांना प्रशिक्षित करण्यात आलं आहे.

कृषी क्षेत्रातील आधुनिक तंत्रज्ञानाची माहिती महिला शेतकऱ्यांना सुलभतेने व्हावी यासाठी महिला शेतकऱ्यांना कौशल्य प्राप्तिचं प्रशिक्षण दिलं जातं.  या प्रशिक्षणाचा कालावधी किमान २०० तास असतो. हे प्रशिक्षण राष्ट्रीय प्रशिक्षण संस्था, राज्य कृषी व्यवस्थापन आणि विस्तार प्रशिक्षण संस्था, कृषी विज्ञान संस्था, कृषी विद्यापीठे यांच्यामार्फत दिलं जातं.