व्हा गणितज्ज्ञ भाग तीन

 

व्हा गणितज्ज्ञ भाग तीन

सेंटर ऑफ एक्सलंस इन बेसिक सायन्स

नॅशनल इन्स्टिट्यूट ऑफ सायन्स एज्युकेशन ॲण्ड रिसर्च भूवनेश्वर आणि मुंबई विद्यापीठांतर्गत येणाऱ्या डिपार्टमेंट ऑफ ॲटोमिक एनर्जी  आणि सेंटर ऑफ एक्सलंस इन बेसिक सायन्स या विभागात गणित विषयामध्ये पाच वर्षे कालावधीच्या इन्टिग्रेटेड एम.एस्सी अभ्यासक्रम करता येतो. या अभ्यासक्रमाला प्रवेश मिळालेल्या सर्व विद्यार्थ्यांना दरमहा 5 हजार रुपयांची शिष्यवृत्ती दिली जाते. ही परीक्षा 2 जून 2018 रोजी देशभरातील विविध केंद्रांवर घेतली जाणार आहे. यामध्ये महाराष्ट्रातील नागपूर,मुंबई  आणि पुणे शहरांचा समावेश आहे. विद्यार्थ्यांची निवड नॅशनल एन्ट्रन्स स्क्रीनिंग टेस्ट या परीक्षेद्वारे केली जाते. संपर्क- यूएम-डीएई सेंटर फॉर एक्सलंस इन बेसिक सायंसेस, हेल्थ सेंटर, मुंबई विद्यापीठ, विद्यानगरी कॅम्पस कलिना, सांताक्रुज-पूर्व, मुंबई- ४०००९८, दूरध्वनी- ०२२- २६५२२४९८३, संकेतस्थळ- http://www.cbs.ac.in/, ईमेल- info@cbs.ac.in

०००

उच्चप्रतिचे संशोधन

इंडियन इन्स्टिटयूट ऑफ सायन्स एज्युकेशन ॲण्ड रिसर्च,पुणे या संस्थेत  गणित विषयात उच्चप्रतिचे संशोधन करण्याची संधी उपलब्ध करुन दिली जाते.    संस्थेत 12वी विज्ञान विषयातील विद्यार्थ्यांना प्रवेश दिला जातो. अभ्यासक्रम हा पाच वर्षाचा असून तो पूर्ण केल्यावर बीएस-एमएस म्हणजे बॅचलर ऑफ सायन्स-मास्टर ऑफ सायन्स ही पदवी दिली जाते. प्रवेश मिळालेल्या प्रत्येक विद्यार्थ्याला दरमहा पाच हजार रुपयांची शिष्यवृत्ती दिली जाते. संपर्क- इंडियन इन्स्टिटयूट ऑफ सायन्स एज्युकेशन ॲण्ड रिसर्च,डॉ होमी भाभा रोड पाषाण पुणे-411008,दूरध्वनी- 020-2590 8000,संकेतस्थळ- http://www.iiserpune.ac.in/